Dilli ka Rikshawala

Dilli ki galiyo mein main chalti chali

Rikshe ke kandho ka sahara le

Ittak Uttak nazre ghuma

inn nazaaro ko ganne jaise choosti chali

Dheemi dheemi chalti gaadi

peeche se horn bajati hai

Par kya kare, riksha bhaiya bhi toh aadmi hai!

Nazuk, par majboot pairo par

Tiki roti saari hai

Maathe se paseena tapke

Sawari chalte jaani hai

Ma, bhain ki gaali deta

Bigre hue baap ka bigra hua beta

Mere rikshe waale ko dhamki deta

Par kya kare ye mamuli bechara

Ek kapda, Riksha-makaan

Beti, biwi, gaon ke pehchan

Bori bistra pasaare aa gaya dilli mein paise kamane

Zindagi ka maara.

Teen pahiye, do pairo se din guzara

Kya paya isne, aur kya khoya

Ummeed aur nischaya par tike, mera rikshe waala

Raaton na soya

Raaton na soya.